Sundarkand

Shri Rama Charita Manasa

Pancham Sopan

Sundarkand

 || Shloka ||

Shantam Shashvatam Aprameyam Anagham Nirvanashantipradam, Brahma Shambhu Phanindra Sevyamanisham Vedantavedyam Vibhum |

Ramakhyam Jagadishvaram Suragurum Mayamanushyam Harim, Vandeaham Karunakaram Raghuvaram Bhupalachudamanim || 1 ||

Nanya Spriha Raghupate Hridayeasmadiye, Satyam Vadami Cha Bhavanakhilantaratma |

Bhaktim Prayachchha Raghupungava Nirbharam Me, Kamadidosharahitam Kuru Manasam Cha || 2 ||

Atulitabaladhamam Hemashailabhadeham, Danujavanakrishanum Jnaninamagraganyam |

Sakalagunanidhanam Vanaranamadhisham, Raghupatipriyabhaktam Vatajatam Namami || 3 ||

 || Chaupai ||

Jamavanta Ke Bachana Suhae | Suni Hanumanta Hridaya Ati Bhae ||

Taba Lagi Mohi Parikhehu Tumha Bhai | Sahi Dukha Kanda Mula Phala Khai ||

Jaba Lagi Avaun Sitahi Dekhi | Hoihi Kaju Mohi Harasha Biseshi ||

Yaha Kahi Nai Sabanhi Kahun Matha | Chaleu Harashi Hiyan Dhari Raghunatha ||

Sindhu Tira Eka Bhudhara Sundara | Kautuka Kudi Chadhaeu Ta Upara ||

Bara-Bara Raghubira Sambhari | Tarakeu Pavanatanaya Bala Bhari ||

Jehin Giri Charana Dei Hanumanta | Chaleu So Ga Patala Turanta ||

Jimi Amogha Raghupati Kara Bana | Ehi Bhanti Chaleu Hanumana ||

Jalanidhi Raghupati Duta Bichari | Tain Mainaka Hohi Shrama Hari ||

|| Doha 1 ||

Hanumana Tehi Parasa Kara Puni Kinha Pranama, Rama Kaju Kinhen Binu Mohi Kaham Bishrama |

|| Chaupai ||

Jata Pavanasuta Devanha Dekha | Janain Kahum Bala Buddhi Bisesha ||

Surasa Nama Ahinha Kai Mata | Pathainhi Ayi Kahi Tehin Bata ||

Aju Suranha Mohi Dinha Ahara | Sunata Bachana Kaha Pavanakumara ||

Rama Kaju Kari Phiri Main Avaum | Sita Kai Sudhi Prabhuhi Sunavaum ||

Taba Tava Badana Paithihaum Ayi | Satya Kahaum Mohi Jana De Mayi ||

Kavanehun Jatana Dei Nahin Jana | Grasasi Na Mohi Kaheu Hanumana ||

Jojana Bhari Tehin Badanu Pasara | Kapi Tanu Kinha Duguna Bistara ||

Soraha Jojana Mukha Tehin Thayau | Turata Pavanasuta Battisa Bhayau ||

Jasa Jasa Surasa Badanu Badhava | Tasu Duna Kapi Rupa Dekhava ||

Sata Jojana Tehin Anana Kinha | Ati Laghu Rupa Pavanasuta Linha ||

Badana Paithi Puni Bahera Ava | Maga Bida Tahi Siru Nava ||

Mohi Suranha Jehi Lagi Pathava | Budhi Bala Maramu Tora Main Pava ||

|| Doha 2 ||

Rama Kaju Sabu Karihahu Tumha Bala Buddhi Nidhana, Asisha Dei Gai So Harashi Chaleu Hanumana |

|| Chaupai ||

Nisichari Eka Sindhu Mahun Rahai | Kari Maya Nabhu Ke Khaga Gahai ||

Jiva Jantu Je Gagana Udahin | Jala Biloki Tinha Kai Parichhahin ||

Gahai Chhahan Saka So Na Udayi | Ehi Bidhi Sada Gaganachara Khayi ||

Soi Chhala Hanumana Kahan Kinha | Tasu Kapatu Kapi Turatahin Chinha ||

Tahi Mari Marutasuta Bira | Baridhi Para Gayau Matidhira ||

Taham Jayi Dekhi Bana Sobha | Gunjata Chancharika Madhu Lobha ||

Nana Taru Phala Phula Suhae | Khaga Nriga Brinda Dekhi Mana Bhae ||

Saila Bisala Dekhi Eka Agen | Ta Para Dhai Chadhaeu Bhaya Tyagen ||

Uma Na Kachhu Kapi Kai Adhikai | Prabhu Pratapa Jo Kalahi Khayi ||

Giri Para Chadhai Lanka Tehin Dekhi | Kahi Na Jayi Ati Durga Biseshi ||

Ati Utanga Jalanidhi Chahu Pasa | Kanaka Kota Kara Parama Prakasa ||

 || Chhanda ||

Kanaka Koti Bichitra Mani Krita Sundarayatana Ghana, Chauhatta Hatta Subatta Bithin Charu Pura Bahu Bidhi Bana |

Gaja Baji Khachchara Nikara Padachara Ratha Baruthanhi Ko Ganai, Bahurupa Nisichara Jutha Atibala Sena Baranata Nahin Banai || 1 ||

Bana Baga Upabana Batika Sara Kupa Bapin Sohahin, Nara Naga Sura Gandharba Kanya Rupa Muni Mana Mohahin |

Kahun Mala Deha Bisala Saila Samana Atibala Garjahin, Nana Akharenha Bhirahin Bahubidhi Eka Ekanha Tarjahin || 2 ||

Kari Jatana Bhata Kotinha Bikata Tana Nagara Chahum Disi Rachchhahin, Kahun Mahisha Manusha Dhenu Khara Aja Khala Nisachara Bhachchhahin |

Ehi Lagi Tulasidasa Inha Ki Katha Kachhu Eka Hai Kahi, Raghubira Sara Tiratha Sariranhi Tyagi Gati Paihahin Sahi || 3 ||

|| Doha 3 ||

Pura Rakhaware Dekhi Bahu Kapi Mana Kinha Bichara, Ati Laghu Rupa Dharon Nisi Nagara Karaun Paisara |

|| Chaupai ||

Masaka Samana Rupa Kapi Dhari | Lankahi Chaleu Sumiri Narahari ||

Nama Lankini Eka Nisichari | So Kaha Chalesi Mohi Nindari ||

Janehi Nahin Maramu Satha Mora | Mora Ahara Jahan Lagi Chora ||

Muthika Eka Maha Kapi Hani | Rudhira Bamata Dharanin Dhanamani ||

Puni Sambhari Uthi So Lanka | Jori Pani Kara Binaya Sasanka ||

Jaba Ravanahi Brahma Bara Dinha | Chalata Birancha Kaha Mohi Chinha ||

Bikala Hosi Tain Kapi Ken Mare | Taba Janesu Nisichara Sanghare ||

Tata Mora Ati Punya Bahuta | Dekheun Nayana Rama Kara Duta ||

|| Doha 4 ||

Tata Swarga Apabarga Sukha Dharia Tula Eka Anga, Tula Na Tahi Sakala Mili Jo Sukha Lava Satasanga |

|| Chaupai ||

rabisi Nagara Kije Saba Kaja | Hridayan Rakhi Kosalapura Raja ||

Garala Sudha Ripu Karahin Mitai | Gopada Sindhu Anala Sitalai ||

Garuda Sumeru Renu Sama Tahi | Rama Kripa Kari Chitava Jahi ||

Ati Laghu Rupa Dhareu Hanumana | Paitha Nagara Sumiri Bhagawana ||

Mandira Mandira Prati Kari Sodha | Dekhe Jahan Tahan Aganita Jodha ||

Gayau Dasanana Mandira Mahin | Ati Bichitra Kahi Jata So Nahin ||

Sayana Kien Dekha Kapi Tehi | Mandira Mahun Na Dikhi Baidehi ||

Bhavana Eka Puni Dikha Suhava | Hari Mandira Tahan Bhinna Banava ||

|| Doha 5 ||

Ramayudha Ankita Griha Sobha Barani Na Jayi, Nava Tulasika Brinda Tahan Dekhi Harasha Kapirai |

|| Chaupai ||

anka Nisichara Nikara Nivasa | Ihan Kahan Sajjana Kara Basa ||

Mana Mahun Taraka Karain Kapi Laga | Tehin Samaya Bibhishanu Jaga ||

Rama Rama Tehin Sumirana Kinha | Hridayan Harasha Kapi Sajjana Chinha ||

Ehi Sana Sathi Karihaun Pahichani | Sadhu Te Hoi Na Karaja Hani ||

Bipra Rupa Dhari Bachana Sunaye | Sunata Bibhishana Uthi Tahan Aye ||

Kari Pranama Punchhi Kusalai | Bipra Kahahu Nija Katha Bujai ||

Ki Tumha Hari Dasanha Mahan Koi | Moren Hridaya Priti Ati Hoi ||

Ki Tumha Ramu Dina Anuragi | Ayahu Mohi Karana Bada Bhagi ||

|| Doha 6 ||

Taba Hanumanta Kahi Saba Rama Katha Nija Nama, Sunata Jugala Tana Pulaka Mana Magana Sumiri Guna Grama |

|| Chaupai ||

Sunahu Pavanasuta Rahani Hamari | Jimi Dasananhi Mahun Jibha Bichari ||

Tata Kabahun Mohi Jani Anatha | Karihahin Kripa Bhanukula Natha ||

Tamasa Tanu Kachhu Sadhana Nahin | Prita Na Pada Saroja Mana Mahin ||

Aba Mohi Bha Bharosa Hanumanta | Binu Harikripa Milahin Nahin Santa ||

Jaum Raghubira Anugraha Kinha | Tau Tumha Mohi Darasu Hathi Dinha ||

Sunahu Bibhishana Prabhu Kai Riti | Karahin Sada Sevaka Para Priti ||

Kahahu Kavana Main Parama Kulina | Kapi Chanchala Sabahin Bidhi Hina ||

Prata Lei Jo Nama Hamara | Tehi Dina Tahi Na Milai Ahara ||

|| Doha 7 ||

sa Main Adhama Sakha Sunu Mohu Para Raghubira, Kinhin Kripa Sumiri Guna Bhare Bilochana Nira |

|| Chaupai ||

Janatahun Asa Swami Bisari | Phirahin Te Kahe Na Hohin Dukhari ||

Ehi Bidhi Kahata Rama Guna Grama | Pava Anirbachya Bishrama ||

Puni Saba Katha Bibhishana Kahi | Jehi Bidhi Janakasuta Tahan Rahi ||

Taba Hanumanta Kaha Sunu Bhrata | Dekhi Chahaun Janaki Mata ||

Juguti Bibhishana Sakala Sunayi | Chaleu Pawana Suta Bida Karayi ||

Kari Soi Rupa Gayau Puni Tahavan | Bana Asoka Sita Raha Jahavan ||

Dekhi Manahi Mahun Kinha Pranama | Baithehin Biti Jata Nisi Jama ||

Krisa Tanu Sisa Jata Eka Beni | Japati Hridayan Raghupati Guna Shreni ||

|| Doha 8 ||

Nija Pada Nayana Dien Mana Rama Pada Kamala Lina, Parama Dukhi Bha Pawanasuta Dekhi Janaki Dina |

|| Chaupai ||

Taru Pallava Mahan Raha Lukai | Karai Bichara Karaun Ka Bhai ||

Tehi Avasara Ravanu Tahan Ava | Sanga Nari Bahu Kiem Banava ||

Bahu Bidhi Khala Sitahi Samujava | Sama Dana Bhaya Bheda Dekhava ||

Kaha Ravanu Sunu Sumukhi Sayani | Mandodari Adi Saba Rani ||

Tava Anucharin Karaun Pana Mora | Eka Bara Biloku Mama Ora ||

Trina Dhari Ota Kahati Baidehi | Sumiri Awadhapati Parama Sanehi ||

Sunu Dasamukha Khadyota Prakasa | Kabahun Ki Nalini Karai Bikasa ||

Asa Mana Samuju Kahati Janaki | Khala Sudhi Nahin Raghubira Bana Ki ||

Satha Sunen Hari Anehi Mohi | Adhama Nilajja Laja Nahin Tohi ||

|| Doha 9 ||

Apuhi Suni Khadyota Sama Ramahi Bhanu Samana, Parusha Bachana Suni Kadhai Asi Bola Ati Khisiana |

|| Chaupai ||

ita Tain Mama Krita Apamana | Katihaun Tava Sira Kathina Kripana ||

Nahin Ta Sapadi Manu Mama Bani | Sumukhi Hoti Na Ta Jivana Hani ||

Syama Saroja Dama Sama Sundara | Prabhu Bhuja Kari Kara Sama Dasakandhara ||

So Bhuja Kantha Ki Tava Asi Ghora | Sunu Satha Asa Pravana Pana Mora ||

Chandrahasa Haru Mama Paritapam | Raghupati Biraha Anala Sanjatam ||

Sitala Nisita Bahasi Bara Dhara | Kaha Sita Haru Mama Dukha Bhara ||

Sunata Bachana Puni Marana Dhava | Mayatanayan Kahi Niti Bujava ||

Kahesi Sakala Nisicharinha Bolayi | Sitahi Bahu Bidhi Trasahu Jayi ||

Masa Divasa Mahun Kaha Na Mana | Tau Main Marabi Kadhai Kripana ||

|| Doha 10 ||

Bhavana Gayau Dasakandhara Ihan Pisachini Brinda, Sitahi Trasa Dekhavahin Dharahin Rupa Bahu Manda |

|| Chaupai ||

Trijata Nama Rachchhasi Eka | Rama Charana Rati Nipuna Bibeka ||

Sabanhau Boli Sunaesi Sapana | Sitahi Sei Karahu Hita Apana ||

Sapanen Banara Lanka Jari | Jatudhana Sena Saba Mari ||

Khara Arudha Nagana Dasasisa | Mundita Sira Khandita Bhuja Bisa ||

Ehi Bidhi So Dachchhina Disi Jayi | Lanka Manahun Bibhishana Payi ||

Nagara Phiri Raghubira Dohai | Taba Prabhu Sita Boli Pathayi ||

Yaha Sapana Main Kahaun Pukari | Hoihi Satya Gaem Dina Chari ||

Tasu Bachana Suni Te Saba Darin | Janakasuta Ke Charananhi Parin ||

|| Doha 11 ||

Jahan Tahan Gain Sakala Taba Sita Kara Mana Socha, Masa Divasa Biten Mohi Marihi Nisichara Pocha |

|| Chaupai ||

Trijata Sana Bolin Kara Jori | Matu Bipati Sangini Tain Mori ||

Tajaun Deha Karu Begi Upai | Dusaha Birahu Aba Nahin Sahi Jayi ||

Ani Katha Rachu Chita Banai | Matu Anala Puni Dehi Lagai ||

Satya Karahi Mama Priti Sayani | Sunai Ko Shravana Sula Sama Bani ||

Sunata Bachana Pada Gahi Samujaesi | Prabhu Pratapa Bala Sujasu Sunaesi ||

Nisi Na Anala Mila Sunu Sukumari | Asa Kahi So Nija Bhavana Sidhari ||

Kaha Sita Bidhi Bha Pratikula | Milihi Na Pavaka Mitihi Na Sula ||

Dekhiata Pragata Gagana Angara | Avani Na Avata Ekau Tara ||

Pavakamaya Sasi Sravata Na Agi | Manahun Mohi Jani Hatabhagi ||

Sunahi Binaya Mama Bitapa Asoka | Satya Nama Karu Haru Mama Soka ||

Nutana Kisalaya Anala Samana | Dehi Agini Jani Karahi Nidana ||

Dekhi Parama Birahakula Sita | So Chhana Kapihi Kalapa Sama Bita ||

|| Doha 12 ||

Kapi Kari Hridayan Bichara Dinhi Mudrika Dari Taba, Janu Asoka Angara Dinha Harashi Uthi Kara Gaheu |

|| Chaupai ||

Taba Dekhi Mudrika Manohara | Rama Nama Ankita Ati Sundara ||

Chakita Chitava Mudari Pahichani | Harasha Bishada Hridayan Akulani ||

Jiti Ko Sakai Ajaya Raghurai | Maya Ten Asi Rachi Nahin Jayi ||

Sita Mana Bichara Kara Nana | Madhura Bachana Boleu Hanumana ||

Ramachandra Guna Baranain Laga | Sunatahin Sita Kara Dukha Bhaga ||

Lagin Sunain Shravana Mana Layi | Adihu Ten Saba Katha Sunayi ||

Shravanamrita Jehin Katha Suhayi | Kahi So Pragata Hoti Kina Bhai ||

Taba Hanumanta Nikata Chali Gayau | Phiri Baithin Mana Bisamaya Bhayau ||

Rama Duta Main Matu Janaki | Satya Sapatha Karunanidhana Ki ||

Yaha Mudrika Matu Main Ani | Dinhi Rama Tumha Kahan Sahidani ||

Nara Banarahi Sanga Kahu Kaisen | Kahi Katha Bhai Sangati Jaisen ||

|| Doha 13 ||

api Ke Bachana Saprema Suni Upaja Mana Biswasa, Jana Mana Krama Bachana Yaha Kripasindhu Kara Dasa |

|| Chaupai ||

Harijana Jani Priti Ati Gadhi | Sajala Nayana Pulakavali Badhi ||

Budata Biraha Jaladhi Hanumana | Bhayahu Tata Mo Kahun Jalajana ||

Aba Kahu Kusala Jaun Balihari | Anuja Sahita Sukha Bhavana Kharari ||

Komalachita Kripala Raghurai | Kapi Kehi Hetu Dhari Nithurai ||

Sahaja Bani Sevaka Sukhadayaka | Kabahunka Surati Karata Raghunayaka ||

Kabahum Nayana Mama Sitala Tata | Hoihahin Nirakhi Syama Mridu Gata ||

Bachanu Na Ava Nayana Bhare Bari | Ahaha Natha Haun Nipata Bisari ||

Dekhi Parama Birahakula Sita | Bola Kapi Mridu Bachana Binita ||

Matu Kusala Prabhu Anuja Sameta | Tava Dukha Dukhi Sukripa Niketa ||

Jani Janani Manaha Jiyan Una | Tumha Te Premu Rama Ken Duna ||

|| Doha 14 ||

Raghupati Kara Sandesu Aba Sunu Janani Dhari Dhira, Asa Kahi Kapi Gadagada Bhayau Bhare Bilochana Nira |

|| Chaupai ||

Kaheu Rama Biyoga Tava Sita | Mo Kahun Sakala Bhaye Biparita ||

Nava Taru Kisalaya Manahun Krisanu | Kalanisa Sama Nisi Sasi Bhanu ||

Kubalaya Bipina Kunta Bana Sarisa | Barida Tapata Tela Janu Barisa ||

Je Hita Rahe Karata Tei Pira | Uraga Swasa Sama Tribidha Samira ||

Kahehu Ten Kachhu Dukha Ghati Hoi | Kahi Kahaun Yaha Jana Na Koi ||

Tatva Prema Kara Mama Aru Tora | Janata Priya Eku Manu Mora ||

So Manu Sada Rahata Tohi Pahin | Janu Priti Rasu Etanehi Mahin ||

Prabhu Sandesu Sunata Baidehi | Magana Prema Tana Sudhi Nahin Tehi ||

Kaha Kapi Hridayan Dhira Dharu Mata | Sumiru Rama Sevaka Sukhadata ||

Ura Anahu Raghupati Prabhutai | Suni Mama Bachana Tajahu Kadarai ||

|| Doha 15 ||

Nisichara Nikara Patanga Sama Raghupati Bana Krisanu, Janani Hridayam Dhira Dharu Jare Nisachara Janu |

|| Chaupai ||

Jaun Raghubira Hoti Sudhi Pai | Karate Nahin Bilambu Raghurai ||

Rama Bana Rabi Uen Janaki | Tama Barutha Kahan Jatudhana Ki ||

Abahin Matu Maim Jaun Lavai | Prabhu Ayusa Nahin Rama Dohai ||

Kachhuka Divasa Janani Dharu Dhira | Kapinha Sahita Aihahin Raghubira ||

Nisichara Mari Tohi Lai Jaihahin | Tihun Pura Naradadi Jasu Gaihahin ||

Hain Suta Kapi Saba Tumhahi Samana |J atudhana Ati Bhata Balavana ||

Moren Hridaya Parama Sandeha | Suni Kapi Pragata Kinhi Nija Deha ||

Kanaka Bhudharakara Sarira | Samara Bhayankara Atibala Bira ||

Sita Mana Bharosa Taba Bhayau | Puni Laghu Rupa Pavanasuta Layau ||

|| Doha 16 ||

Sunu Mata Sakhamriga Nahin Bala Buddhi Bisala, Prabhu Pratapa Ten Garudahi Khai Parama Laghu Byala |

|| Chaupai ||

Mana Santosha Sunata Kapi Bani | Bhagati Pratapa Teja Bala Sani ||

Asisha Dinhi Rama Priya Jana | Hohu Tata Bala Sila Nidhana ||

Ajara Amara Gunanidhi Suta Hohu | Karahun Bahuta Raghunayaka Chhohu ||

Karahun Kripa Prabhu Asa Suni Kana | Nirbhara Prema Magana Hanumana ||

Bara Bara Nayesi Pada Sisa | Bola Bachana Jori Kara Kisa ||

Aba Kritakritya Bhayaum Main Mata | Asisha Tava Amogha Bikhyata ||

Sunahu Matu Mohi Atisaya Bhukha | Lagi Dekhi Sundara Phala Rukha ||

Sunu Suta Karahin Bipina Rakhavari | Parama Subhata Rajanichara Bhari ||

Tinha Kara Bhaya Mata Mohi Nahin | Jaun Tumha Sukha Manahu Mana Mahin ||

|| Doha 17 ||

Dekhi Buddhi Bala Nipuna Kapi Kaheu Janakin Jahu, Raghupati Charana Hridayan Dhari Tata Madhura Phala Khahu |

|| Chaupai ||

Chaleu Nai Siru Paitheu Baga | Phala Khaesi Taru Torain Laga ||

Rahe Tahan Bahu Bhata Rakhavare | Kachhu Maresi Kachhu Jayi Pukare ||

Natha Eka Ava Kapi Bhari | Tehin Asoka Batika Ujari ||

Khaesi Phala Aru Bitapa Upare | Rachchhaka Mardi Mardi Mahi Dare ||

Suni Ravana Pathae Bhata Nana | Tinhahi Dekhi Garjeu Hanumana ||

Saba Rajanichara Kapi Sanghare | Gae Pukarata Kachhu Adhamare ||

Puni Pathayau Tehin Achchhakumara | Chala Sanga Lai Subhata Apara ||

Avata Dekhi Bitapa Gahi Tarja | Tahi Nipati Mahadhuni Garja ||

|| Doha 18 ||

Kachhu Maresi Kachhu Mardesi Kachhu Milaesi Dhari Dhuri, Kachhu Puni Jayi Pukare Prabhu Markata Bala Bhuri |

|| Chaupai ||

Suni Suta Badha Lankesa Risana | Pathaesi Meghanada Balavana ||

Marasi Jani Suta Bandhesu Tahi | Dekhia Kapihi Kahan Kara Ahi ||

Chala Indrajita Atulita Jodha | Bandhu Nidhana Suni Upaja Krodha ||

Kapi Dekha Daruna Bhata Ava | Katakatai Garja Aru Dhava ||

Ati Bisala Taru Eka Upara | Biratha Kinha Lankesa Kumara ||

Rahe Mahabhata Take Sanga | Gahi Gahi Kapi Mardai Nija Anga ||

Tinhahi Nipati Tahi Sana Baja | Bhire Jugala Manahun Gajaraja ||

Muthika Mari Chadha Taru Jayi | Tahi Eka Chhana Muruchha Ayi ||

Uthi Bahori Kinhisi Bahu Maya | Jiti Na Jayi Prabhanjana Jaya ||

|| Doha 19 ||

Brahma Astra Tehi Sandha Kapi Mana Kinha Bichara, aun Na Brahmasara Manaum Mahima Mitai Apara |

|| Chaupai ||

Brahmabana Kapi Kahun Tehin Mara | Paratihun Bara Kataku Sanghara ||

Tehin Dekha Kapi Muruchhita Bhayau | Nagapasa Bandhesi Lai Gayau ||

Jasu Nama Japi Sunahu Bhavani | Bhava Bandhana Katahin Nara Gyani ||

Tasu Duta Ki Bandha Taru Ava | Prabhu Karaja Lagi Kapihin Bandhava ||

Kapi Bandhana Suni Nisichara Dhaye | Kautuka Lagi Sabhan Saba Aye ||

Dasamukha Sabha Dikhi Kapi Jayi | Kahi Na Jayi Kachhu Ati Prabhutayi ||

Kara Joren Sura Disipa Binita | Bhrikuti Bilokata Sakala Sabhita ||

Dekhi Pratapa Na Kapi Mana Sanka | Jimi Ahigana Mahun Garuda Asanka ||

|| Doha 20 ||

Kapihi Biloki Dasanana Bihasa Kahi Durbada, Suta Badha Surati Kinhi Puni Upaja Hridayan Bisada |

|| Chaupai ||

Kaha Lankesa Kavana Tain Kisa | Kehi Ken Bala Ghalehi Bana Khisa ||

Ki Dhaun Shravana Sunehi Nahin Mohi | Dekhaun Ati Asanka Satha Tohi ||

Mare Nisichara Kehin Aparadha | Kahu Satha Tohi Na Prana Kai Badha ||

Sunu Ravana Brahmanda Nikaya | Payi Jasu Bala Birachati Maya ||

Jaken Bala Biranchi Hari Isa | Palata Srijata Harata Dasasisa ||

Ja Bala Sisa Dharata Sahasanana | Andakosa Sameta Giri Kanana ||

Dharai Jo Bibidha Deha Suratrata | Tumha Se Sathanha Sikhavanu Data ||

Hara Kodanda Kathina Jehin Bhanja | Tehi Sameta Nripa Dala Mada Ganja ||

Khara Dushana Trisira Aru Bali | Badhe Sakala Atulita Balasali ||

|| Doha 21 ||

Jake Bala Lavalesa Ten Jitehu Charachara Jhari, Tasa Duta Main Ja Kari Hari Anehu Priya Nari|

|| Chaupai ||

Janaun Main Tumhari Prabhutai | Sahasabahu Sana Pari Larai ||

Samara Bali Sana Kari Jasu Pava | Suni Kapi Bachana Bihasi Biharava ||

Khayaun Phala Prabhu Lagi Bhunkha | Kapi Subhava Ten Toreun Rukha ||

Saba Ken Deha Parama Priya Swami | Marahin Mohi Kumaraga Gami ||

Jinha Mohi Mara Te Main Mare | Tehi Para Bandheun Tanayan Tunhare ||

Mohi Na Kachhu Bandhe Kai Laja | Kinha Chahaun Nija Prabhu Kara Kaja ||

Binati Karaun Jori Kara Ravana | Sunahu Mana Taji Mora Sikhavana ||

Dekhahu Tumha Nija Kulahi Bichari | Bhrama Taji Bhajahu Bhagata Bhaya Hari ||

Jaken Dara Ati Kala Derai | Jo Sura Asura Charachara Khai ||

Tason Bayaru Kabahun Nahin Kijai | More Kahen Janaki Dijai ||

|| Doha 22 ||

ranatapala Raghunayaka Karuna Sindhu Kharari, Gaen Sarana Prabhu Rakhihain Tava Aparadha Bisari |

|| Chaupai ||

Rama Charana Pankaja Ura Dharahu | Lanka Achala Raju Tumha Karahu ||

Rishi Pulasti Jasu Bimala Mayanka | Tehi Sasi Mahun Jani Hohu Kalanka ||

Rama Nama Binu Gira Na Soha | Dekhu Bichari Tyagi Mada Moha ||

Basana Hina Nahin Soha Surari | Saba Bhushana Bhushita Bara Nari ||

Rama Bimukha Sampati Prabhutai | Jayi Rahi Payi Binu Payi ||

Sajala Mula Jinha Saritanha Nahin | Barashi Gaen Puni Tabahin Sukhahin ||

Sunu Dasakantha Kahaun Pana Ropi | Bimukha Rama Trata Nahin Kopi ||

Sankara Sahasa Bishnu Aja Tohi | Sakahin Na Rakhi Rama Kara Drohi ||

|| Doha 23 ||

ohamula Bahu Sula Prada Tyagahu Tama Abhimana, Bhajahu Rama Raghunayaka Kripa Sindhu Bhagawana |

|| Chaupai ||

Jadapi Kahi Kapi Ati Hita Bani | Bhagati Bibeka Birati Naya Sani ||

Bola Bihasi Maha Abhimani | Mila Hamahi Kapi Gura Bada Gyani ||

Mrityu Nikata Ayi Khala Tohi | Lagesi Adhama Sikhavana Mohi ||

Ulata Hoihi Kaha Hanumana | Matibhrama Tora Pragata Main Jana ||

Suni Kapi Bachana Bahuta Khisiana | Begi Na Harahu Mudha Kara Prana ||

Sunata Nisachara Marana Dhaye | Sachivanha Sahita Bibhishanu Aaye ||

Nayi Sisa Kari Binaya Bahuta | Niti Birodha Na Maria Duta ||

Ana Danda Kachhu Karia Gosanyi | Sabahin Kaha Mantra Bhala Bhai ||

Sunata Bihasi Bola Dasakandhara | Anga Bhanga Kari Pathaia Bandara ||

|| Doha 24 ||

api Ken Mamata Punchha Para Sabahi Kahaun Samujai, Tela Bori Pata Bandhi Puni Pavaka Dehu Lagai |

|| Chaupai ||

Punchhahina Banara Tahan Jaihi | Taba Satha Nija Nathahi Lai Aihi ||

Jinha Kai Kinhisi Bahuta Badayi | Dekhau Main Tinha Kai Prabhutayi ||

Bachana Sunata Kapi Mana Musukana | Bhai Sahaya Sarada Main Jana ||

Jatudhana Suni Ravana Bachana | Lage Rachain Mudha Soyi Rachana ||

Raha Na Nagara Basana Ghrita Tela | Badhai Punchha Kinha Kapi Khela ||

Kautuka Kahan Aye Purabasi | Marahin Charana Karahin Bahu Hansi ||

Bajahin Dhola Dehin Saba Tari | Nagara Pheri Puni Punchha Prajari ||

Pavaka Jarata Dekhi Hanumanta | Bhayau Parama Laghurupa Turanta ||

Nibuki Chadhaeu Kapa Kanaka Atarin | Bhain Sabhita Nisachara Narin ||

|| Doha 25 ||

Hari Prerita Tehi Avasara Chale Maruta Unachasa, Attahasa Kari Garja Kapi Badhi Laga Akasa|

|| Chaupai ||

Deha Bisala Parama Haruai | Mandira Ten Mandira Chadha Dhai ||

Jarai Nagara Bha Loga Bihala | Jhapata Lapata Bahu Koti Karala ||

Tata Matu Ha Sunia Pukara | Ehin Avasara Ko Hamahi Ubara ||

Hama Jo Kaha Yaha Kapi Nahin Hoi | Banara Rupa Dharen Sura Koi ||

Sadhu Avagya Kara Phalu Aisa | Jarai Nagara Anatha Kara Jaisa ||

Jara Nagaru Nimisha Eka Mahin | Eka Bibhishana Kara Griha Nahin ||

Takara Duta Anala Jehin Sirija | Jara Na So Tehi Karana Girija ||

Ulati Palati Lanka Saba Jari | Kudi Para Puni Sindhu Majhari ||

|| Doha 26 ||

Punchha Bujai Khoi Shrama Dhari Laghu Rupa Bahori, Janakasuta Kem Agen Thadha Bhayau Kara Jori |

|| Chaupai ||

Matu Mohi Dije Kachhu Chinha | Jaisen Raghunayaka Mohi Dinha ||

Chudamani Utari Taba Dayau | Harasha Sameta Pavanasuta Layau ||

Kahehu Tata Asa Mora Pranama | Saba Prakara Prabhu Puranakama ||

Dina Dayala Biridu Sambhari | Harahu Natha Mama Sankata Bhari ||

Tata Sakrasuta Katha Sanaehu | Bana Pratapa Prabhuhi Samujhaehu ||

Masa Divasa Mahun Nathu Na Ava | Tau Puni Mohi Jiyata Nahin Pava ||

Kahu Kapi Kehi Bidhi Rakhaun Prana | Tumhahu Tata Kahata Aba Jana ||

Tohi Dekhi Sitali Bhai Chhati | Mo Kahun Soi Dinu So Rati ||

|| Doha 27 ||

Janakasutahi Samujai Kari Bahu Bidhi Dhiraju Dinha, Charana Kamala Siru Nayi Kapi Gavanu Rama Pahin Kinha |

|| Chaupai ||

Chalata Mahadhuni Garjesi Bhari | Garbha Sravahin Suni Nisichara Nari ||

Naghi Sindhu Ehi Parahi Ava | Sabada Kilikila Kapinha Sunava ||

Harashe Saba Biloki Hanumana | Nutana Janma Kapinha Taba Jana ||

Mukha Prasanna Tana Teja Biraja | Kinhesi Ramachandra Kara Kaja ||

Mile Sakala Ati Bhaye Sukhari | Talaphata Meena Pava Jimi Bari ||

Chale Harashi Raghunayaka Pasa | Punchhata Kahata Navala Itihasa ||

Taba Madhubana Bhitara Saba Aaye | Angada Sammata Madhu Phala Khaye ||

Rakhavare Jaba Barajana Lage | Mushti Prahara Hanata Saba Bhage ||

|| Doha 28 ||

Jayi Pukare Te Saba Bana Ujara Jubaraja, Suni Sugriva Harasha Kapi Kari Aaye Prabhu Kaja |

|| Chaupai ||

Jaun Na Hoti Sita Sudhi Payi | Madhubana Ke Phala Sakahin Ki Kayi ||

Ehi Bidhi Mana Bichara Kara Raja | Aayi Gaye Kapi Sahita Samaja ||

Aayi Sabanhi Nava Pada Seesa | Mileu Sabanhi Ati Prema Kapisa ||

Punchhi Kusala Kusala Pada Dekhi | Rama Kripan Bha Kaju Biseshi ||

Natha Kaju Kinheu Hanumana | Rakhe Sakala Kapinha Ke Prana ||

Suni Sugriva Bahuri Tehi Mileu | Kapinha Sahita Raghupati Pahin Chaleu ||

Rama Kapinha Jaba Avata Dekha | Kien Kaju Mana Harasha Bisesha ||

Phatika Sila Baithe Dvau Bhai | Pare Sakala Kapi Charananhi Jayi ||

|| Doha 29 ||

riti Sahita Saba Bhente Raghupati Karuna Punja, Puchhi Kusala Natha Aba Kusala Dekhi Pada Kanja |

|| Chaupai ||

Jamavanta Kaha Sunu Raghuraya | Ja Para Natha Karahu Tumha Daya ||

Tahi Sada Subha Kusala Nirantara | Sura Nara Muni Prasanna Ta Upara ||

Soi Bijai Binai Guna Sagara | Tasu Sujasu Trailoka Ujagara ||

Prabhu Kin Kripa Bhayau Sabu Kaju | Janma Hamara Suphala Bha Aju ||

Natha Pavanasuta Kinhi Jo Karani | Sahasahum Mukha Na Jayi So Barani ||

Pavanatanaya Ke Charita Suhaye | Jamavanta Raghupatihi Sunaye ||

Sunata Kripanidhi Mana Ati Bhaye | Puni Hanumana Harashi Hiyam Laye ||

Kahahu Tata Kehi Bhanti Janaki | Rahati Karati Rachchha Svaprana Ki ||

|| Doha 30 ||

Nama Paharu Divasa Nisi Dhyana Tunhara Kapata, Lochana Nija Pada Jantrita Jahin Prana Kehin Bata |

|| Chaupai ||

Chalata Mohi Chudamani Dinhin | Raghupati Hridayam Layi Soi Linhi ||

Natha Jugala Lochana Bhari Bari | Bachana Kahe Kachhu Janakakumari ||

Anuja Sameta Gahehu Prabhu Charana | Dina Bandhu Pranatarati Harana ||

Mana Krama Bachana Charana Anuragi | Kehin Aparadha Natha Haun Tyagi ||

Avaguna Eka Mora Main Mana | Bichhurata Prana Na Kinha Payana ||

Natha So Nayananhi Ko Aparadha | Nisarata Prana Karahin Hathi Badha ||

Biraha Agini Tanu Tula Samira | Swasa Jarai Chhana Mahin Sarira ||

Nayana Sravahin Jalu Nija Hita Lagi | Jarain Na Pava Deha Birahagi ||

Sita Kai Ati Bipati Bisala | Binahin Kahen Bhali Dinadayala ||

|| Doha 31 ||

Nimisha Nimisha Karunanidhi Jahin Kalapa Sama Biti, Begi Chalia Prabhu Ania Bhuja Bala Khala Dala Jiti |

|| Chaupai ||

Suni Sita Dukha Prabhu Sukha Ayana | Bhari Aaye Jala Rajiva Nayana ||

Bachana Kayan Mana Mama Gati Jahi | Sapanehun Bujhia Bipati Ki Tahi ||

Kaha Hanumanta Bipati Prabhu Soi | Jaba Tava Sumirana Bhajana Na Hoi ||

Ketika Bata Prabhu Jatudhana Ki | Ripuhi Jiti Aanibi Janaki ||

Sunu Kapi Tohi Samana Upakari | Nahin Kou Sura Nara Muni Tanudhari ||

Prati Upakara Karaun Ka Tora | Sanamukha Hoi Na Sakata Mana Mora ||

Sunu Suta Tohi Urina Main Nahin | Dekheum Kari Bichara Mana Mahin ||

Puni Puni Kapihi Chitava Suratrata | Lochana Nira Pulaka Ati Gata ||

|| Doha 32 ||

Suni Prabhu Bachana Biloki Mukha Gata Harashi Hanumanta, Charana Pareu Premakula Trahi Trahi Bhagavanta |

|| Chaupai ||

Bara Bara Prabhu Chahai Uthava | Prema Magana Tehi Uthaba Na Bhava ||

Prabhu Kara Pankaja Kapi Ken Sisa | Sumiri So Dasa Magana Gaurisa ||

Savadhana Mana Kari Puni Sankara | Lage Kahana Katha Ati Sundara ||

Kapi Uthai Prabhu Hridayan Lagava | Kara Gahi Parama Nikata Baithava ||

Kahu Kapi Ravana Palita Lanka | Kehi Bidhi Daheu Durga Ati Banka ||

Prabhu Prasanna Jana Hanumana | Bola Bachana Bigata Abhimana ||

Sakhamaga Kai Badai Manusai | Sakha Ten Sakha Para Jayi ||

Naghi Sindhu Hatakapura Jara | Nisichara Gana Badhi Bipina Ujara ||

So Saba Tava Pratapa Raghurai | Natha Na Kachhu Mori Prabhutai ||

|| Doha 33 ||

Ta Kahun Prabhu Kachhu Agama Nahin Ja Para Tumha Anukula, Tava Prabhavan Badavanalahi Jari Sakai Khalu Tula |

|| Chaupai ||

Natha Bhagati Ati Sukhadayani | Dehu Kripa Kari Anapayani ||

Suni Prabhu Parama Sarala Kapi Bani | Evamastu Taba Kaheu Bhavani ||

Uma Rama Subhau Jehin Jana | Tahi Bhajanu Taji Bhava Na Ana ||

Yaha Sambada Jasu Ura Ava | Raghupati Charana Bhagati Soi Pava ||

Suni Prabhu Bachana Kahahin Kapi Brinda | Jaya Jaya Jaya Kripala Sukhakanda ||

Taba Raghupati Kapipatihi Bolava | Kaha Chalain Kara Karahu Banava ||

Aba Bilambu Keha Karana Keeje | Turanta Kapinha Kahan Ayasu Deeje ||

Kautuka Dekhi Sumana Bahu Barashi | Nabha Ten Bhavana Chale Sura Harashi ||

|| Doha 34 ||

apipati Begi Bolaye Aaye Juthapa Jutha, Nana Barana Atula Bala Banara Bhalu Barutha |

|| Chaupai ||

Prabhu Pada Pankaja Navahin Seesa | Garjahim Bhalu Mahabala Keesa ||

Dekhi Rama Sakala Kapi Sena | Chitai Kripa Kari Rajiva Naina ||

Rama Kripa Bala Payi Kapinda | Bhae Pachchhajuta Manahun Girinda ||

Harashi Rama Taba Kinha Payana | Saguna Bhaye Sundara Subha Nana ||

Jasu Sakala Mangalamaya Kiti | Tasu Payana Saguna Yaha Niti ||

Prabhu Payana Jana Baidehin | Pharaki Bama Anga Janu Kahi Dehin ||

Joi Joi Saguna Janakihi Hoi | Asaguna Bhayau Ravanahin Soi ||

Chala Kataku Ko Baranain Para | Garjahin Banara Bhalu Apara ||

Nakha Ayudha Giri Padapadhari | Chale Gagana Mahi Ichchhachari ||

Keharinada Bhalu Kapi Karahin | Dagamagahin Diggaja Chikkarahin ||

|| Chhanda ||

Chikkarahin Diggaja Dola Mahi Giri Lola Sagara Kharabhare, Mana Harasha Sabha Gandharba Sura Muni Naga Kinnara Dukha Tare |

Katakatahin Markata Bikata Bhata Bahu Koti Kotinha Dhavahin, Jaya Rama Prabala Pratapa Kosalanatha Guna Gana Gavahin ||1 ||

Sahi Saka Na Bhara Udara Ahipati Bara Barahin Mohai, Gaha Dasana Puni Puni Kamatha Prishtha Kathora So Kimi Sohai |

Raghubira Ruchira Prayana Prasthiti Jani Parama Suhavani, Janu Kamatha Kharpara Sarparaja So Likhata Abichala Pavani ||2 ||

|| Doha 35 ||

Ehi Bidhi Jai Kripanidhi Utare Sagara Tira, Jahan Tahan Lage Khana Phala Bhalu Bipula Kapi Bira |

|| Chaupai ||

Uham Nisachara Rahahin Sasanka | Jaba Ten Jari Gayau Kapi Lanka ||

Nija Nija Grihan Saba Karahin Bichara | Nahin Nisichara Kula Kera Ubara ||

Jasu Duta Bala Barani Na Jayi | Tehi Ayen Pura Kavana Bhalai ||

Dutinha Sana Suni Purajana Bani | Mandodari Adhika Akulani ||

Rahasi Jori Kara Pati Paga Lagi | Boli Bachana Niti Rasa Pagi ||

Kanta Karasha Hari Sana Pariharahu | Mora Kaha Ati Hita Hiyan Dharahu ||

Samujata Jasu Duta Kai Karani | Sravahin Garbha Rajanichara Gharani ||

Tasu Nari Nija Sachiva Bolai | Pathavahu Kanta Jo Chahahu Bhalai ||

Tava Kula Kamala Bipina Dukhadai | Sita Sita Nisa Sama Aayi ||

Sunahu Natha Sita Binu Dinhen | Hita Na Tumhara Sambhu Aja Kinhen ||

|| Doha 36 ||

Rama Bana Ahi Gana Sarisa Nikara Nisachara Bheka, Jaba Lagi Grasata Na Taba Lagi Jatanu Karahu Taji Teka |

|| Chaupai ||

Shravana Suni Satha Ta Kari Bani | Bihasa Jagata Bidita Abhimani ||

Sabhaya Subhau Nari Kara Sacha | Mangala Mahum Bhaya Mana Ati Kacha ||

Jaun Avai Markata Katakai | Jiahin Bichare Nisichara Khai ||

Kampahin Lokapa Jakin Trasa | Tasu Nari Sabhita Badi Hasa ||

Asa Kahi Bihasi Tahi Ura Layi | Chaleu Sabham Mamata Adhikai ||

Mandodari Hridayan Kara Chinta | Bhayau Kanta Para Bidhi Biparita ||

Baitheu Sabhan Khabari Asi Payi | Sindhu Para Sena Saba Aayi ||

Bujhesi Sachiva Uchita Mata Kahahu | Te Saba Hanse Mashta Kari Rahahu ||

Jitehu Surasura Taba Shrama Nahin | Nara Banara Kehi Lekhe Mahin ||

|| Doha 37 ||

Sachiva Baida Gura Tini Jaun Priya Bolahin Bhaya Asa, Raja Dharma Tana Tini Kara Hoi Begihin Nasa |

|| Chaupai ||

Soi Ravana Kahun Bani Sahai | Astuti Karahin Sunai Sunai ||

Avasara Jani Bibhishanu Ava | Bhrata Charana Sisu Tehin Nava ||

Puni Siru Nai Baitha Nija Asana | Bola Bachana Payi Anusasana ||

Jau Kripala Punchhihu Mohi Bata | Mati Anurupa Kahaun Hita Tata ||

Jo Apana Chahai Kalyana | Sujasu Sumati Subha Gati Sukha Nana ||

So Paranari Lilara Gosain | Tajau Chauthi Ke Chanda Ki Nayin ||

Chaudaha Bhuvana Eka Pati Hoi | Bhuta Droha Tishtai Nahin Soi ||

Guna Sagara Nagara Nara Jou | Alapa Lobha Bhala Kahai Na Kou ||

|| Doha 38 ||

Kama Krodha Mada Lobha Saba Natha Naraka Ke Pantha, Saba Parihari Raghubirahi Bhajahu Bhajahin Jehi Santa |

|| Chaupai ||

Tata Rama Nahin Nara Bhupala | Bhuvanesvara Kalahu Kara Kala ||

Brahma Anamaya Aja Bhagavanta | Byapaka Ajita Anadi Ananta ||

Go Dvija Dhenu Deva Hitakari | Kripa Sindhu Manusha Tanudhari ||

Jana Ranjana Bhanjana Khala Brata | Beda Dharma Rachchhaka Sunu Bhrata ||

Tahi Bayaru Taji Naia Matha | Pranatarati Bhanjana Raghunatha ||

Dehu Natha Prabhu Kahun Baidehi | Bhajahu Rama Binu Hetu Sanehi ||

Sarana Gaen Prabhu Tahu Na Tyaga | Bisva Droha Krita Agha Jehi Laga ||

Jasu Nama Traya Tapa Nasavana | Soi Prabhu Pragata Samuju Jiyan Ravana ||

|| Doha 39 ||

Bara Bara Pada Lagaun Binaya Karaun Dasasisa, Parihari Mana Moha Mada Bhajahu Kosaladhisa ||(Ka) |

Muni Pulasti Nija Sishya Sana Kahi Pathai Yaha Bata, Turata So Main Prabhu Sana Kahi Payi Suavasaru Tata ||(Kha) ||

|| Chaupai ||

Malyavanta Ati Sachiva Sayana | Tasu Bachana Suni Ati Sukha Mana ||

Tata Anuja Tava Niti Bibhushana | So Ura Dharahu Jo Kahata Bibhishana ||

Ripu Utakarasha Kahata Satha Dou | Duri Na Karahu Ihan Hai Kou ||

Malyavanta Gaha Gayau Bahori | Kahai Bibhishanu Puni Kara Jori ||

Sumati Kumati Saba Kem Ura Rahahin | Natha Purana Nigama Asa Kahahin ||

Jahan Sumati Tahan Sampati Nana | Jahan Kumati Tahan Bipati Nidana ||

Tava Ura Kumati Basi Biparita | Hita Anahita Manahu Ripu Prita ||

Kalarati Nisichara Kula Keri | Tehi Sita Para Priti Ghaneri ||

|| Doha 40 ||

Tata Charana Gahi Magaun Rakhahu Mora Dulara, Sita Dehu Rama Kahun Ahita Na Hoi Tumhara |

|| Chaupai ||

Budha Purana Shruti Sammata Bani | Kahi Bibhishana Niti Bakhani ||

Sunata Dasanana Utha Risayi | Khala Tohin Nikata Mrityu Aba Aayi ||

Jiasi Sada Satha Mora Jiava | Ripu Kara Pachchha Mudha Tohi Bhava ||

Kahasi Na Khala Asa Ko Jaga Mahin | Bhuja Bala Jahi Jita Main Nahin ||

Mama Pura Basi Tapasinha Para Priti | Satha Milu Jayi Tinhahi Kahu Niti ||

Asa Kahi Kinhesi Charana Prahara | Anuja Gahe Pada Barahin Bara ||

Uma Santa Kai Ihai Badayi | Manda Karata Jo Karai Bhalayi ||

Tumha Pitu Sarisa Bhalehin Mohi Mara | Ramu Bhajem Hita Natha Tunhara ||

Sachiva Sanga Lai Nabha Patha Gayau | Sabahi Sunai Kahata Asa Bhayau ||

|| Doha 41 ||

Ramu Satyasankalpa Prabhu Sabha Kalabasa Tori, Main Raghubira Sarana Aba Jaum Dehu Jani Khori |

|| Chaupai ||

Asa Kahi Chala Bibhishanu Jabahin | Aayu Hina Bhae Saba Tabahin ||

Sadhu Avagya Turata Bhavani | Kara Kalyana Akhila Kai Hani ||

Ravana Jabahin Bibhishana Tyaga | Bhayau Bibhava Binu Tabahin Abhaga ||

Chaleu Harashi Raghunayaka Pahin | Karata Manoratha Bahu Mana Mahin ||

Dekhihaum Jayi Charana Jalajata | Aruna Nridula Sevaka Sukhadata ||

Je Pada Parasi Tari Rishanari | Dandaka Kanana Pavanakari ||

Je Pada Janakasutan Ura Laye | Kapata Kuranga Sanga Dhara Dhaye ||

Hara Ura Sara Saroja Pada Jeyi | Ahobhagya Main Dekhihaum Teyi ||

|| Doha 42 ||

Jinha Payanha Ke Padukanhi Bharatu Rahe Mana Layi, Te Pada Aju Bilokihaum Inha Nayananhi Aba Jayi |

|| Chaupai ||

Aihi Bidhi Karata Saprema Bichara | Ayau Sapadi Sindu Ehin Para ||

Kapinha Bibhishanu Avata Dekha | Jana Kou Ripu Duta Bisesha ||

Tahi Rakhi Kapisa Pahin Aaye | Samachara Saba Tahi Sunaye ||

Kaha Sugriva Sunahu Raghurai | Ava Milana Dasanana Bhai ||

Kaha Prabhu Sakha Bujhie Kaha | Kahai Kapisa Sunahu Naranaha ||

Jani Na Jayi Nisachara Maya | Kamarupa Kehi Karana Aya ||

Bheda Hamara Lena Satha Ava | Rakhia Bandhi Mohi Asa Bhava ||

Sakha Niti Tumha Niki Bichari | Mama Pana Saranagata Bhayahari ||

Suni Prabhu Bachana Harasha Hanumana | Saranagata Bachchhala Bhagavana ||

|| Doha 43 ||

Saranagata Kahum Je Tajahin Nija Anahita Anumani, Te Nara Pavanra Papamaya Tinhahi Bilokata Hani |

|| Chaupai ||

Koti Bipra Badha Lagahin Jahu | Aaen Sarana Tajaun Nahin Tahu ||

Sanamukha Hoi Jiva Mohi Jabahin | Janma Koti Agha Nasahin Tabahin ||

Papavanta Kara Sahaja Subhau | Bhajanu Mora Tehi Bhava Na Kau ||

Jaun Pai Dushta Hridaya Soi Hoi | Moren Sanamukha Ava Ki Soi ||

Nirmala Mana Jana So Mohi Pava | Mohi Kapata Chhala Chhidra Na Bhava ||

Bheda Lena Pathava Dasasisa | Tabahun Na Kachhu Bhaya Hani Kapisa ||

Jaga Mahun Sakha Nisachara Jete | Lachhimanu Hanai Nimisha Mahun Tete ||

Jaun Sabhita Ava Saranain | Rakhihaun Tahi Prana Ki Nayin ||

|| Doha 44 ||

Ubhaya Bhanti Tehi Anahu Hansi Kaha Kripaniketa, Jaya Kripala Kahi Kapi Chale Angada Hanu Sameta |

|| Chaupai ||

Sadara Tehi Agen Kari Banara | Chale Jahan Raghupati Karunakara ||

Durihi Te Dekhe Dvau Bhrata | Nayanananda Dana Ke Data ||

Bahuri Rama Chhabidhama Biloki | Raheu Thatuki Ekataka Pala Roki ||

Bhuja Pralamba Kanjaruna Lochana | Syamala Gata Pranata Bhaya Mochana ||

Sagha Kandha Ayata Ura Soha | Anana Amita Madana Mana Moha ||

Nayana Nira Pulakita Ati Gata | Mana Dhari Dhira Kahi Mridu Bata ||

Natha Dasanana Kara Main Bhrata | Nisichara Bansa Janama Suratrata ||

Sahaja Papapriya Tamasa Deha | Jatha Ulukahi Tama Para Neha ||

|| Doha 45 ||

Shravana Sujasu Suni Ayaun Prabhu Bhanjana Bhava Bhira, Trahi Trahi Arati Harana Sarana Sukhada Raghubira |

|| Chaupai ||

Asa Kahi Karata Dandavata Dekha | Turata Uthe Prabhu Harasha Bisesha ||

Dina Bachana Suni Prabhu Mana Bhava | Bhuja Bisala Gahi Hridayan Lagava ||

Anuja Sahita Mili Dhiga Baithari | Bole Bachana Bhagata Bhaya Hari ||

Kahu Lankesa Sahita Parivara | Kusala Kuthahara Basa Tumhara ||

Khala Mandali Basahu Dinu Rati | Sakha Dharama Nibahai Kehi Bhanti ||

Main Janaun Tumhari Saba Riti | Ati Naya Nipuna Na Bhava Aniti ||

Baru Bhala Basa Naraka Kara Tata | Dushta Sanga Jani Dei Bidhata ||

Aba Pada Dekhi Kusala Raghuraya | Jaun Tumha Kinhi Jani Jana Daya ||

|| Doha 46 ||

Taba Lagi Kusala Na Jiva Kahun Sapanehun Mana Bishrama, Jaba Lagi Bhajata Na Rama Kahun Soka Dhama Taji Kama |

|| Chaupai ||

Taba Lagi Hridayam Basata Khala Nana | Lobha Moha Machchhara Mada Mana ||

Jaba Lagi Ura Na Basata Raghunatha | Dharen Chapa Sayaka Kati Bhatha ||

Mamata Taruna Tami Andhiari | Raga Dvesha Uluka Sukhakari ||

Taba Lagi Basati Jiva Mana Mahin | Jaba Lagi Prabhu Pratapa Rabi Nahin ||

Aba Main Kusala Mite Bhaya Bhare | Dekhi Rama Pada Kamala Tumhare ||

Tumha Kripala Ja Para Anukula | Tahi Na Byapa Tribidha Bhava Sula ||

Main Nisichara Ati Adhama Subhau | Subha Acharanu Kinha Nahin Kau ||

Jasu Rupa Muni Dhyana Na Ava | Tehin Prabhu Harashi Hridayan Mohi Lava ||

|| Doha 47 ||

Ahobhagya Mama Amita Ati Rama Kripa Sukha Punja, Dekheun Nayana Biranchi Siva Sebya Jugala Pada Kanja |

|| Chaupai ||

Sunahu Sakha Nija Kahaun Subhau | Jana Bhusundi Sambhu Girijau ||

Jaun Nara Hoi Charachara Drohi | Avai Sabhaya Sarana Taki Mohi ||

Taji Mada Moha Kapata Chhala Nana | Karaun Sadya Tehi Sadhu Samana ||

Janani Janaka Bandhu Suta Dara | Tanu Dhanu Bhavana Suhrida Parivara ||

Saba Kai Mamata Taga Batori | Mama Pada Manahi Bandha Bari Dori ||

Samadarasi Ichchha Kachhu Nahin | Harasha Soka Bhaya Nahin Mana Mahin ||

Asa Sajjana Mama Ura Basa Kaisen | Lobhi Hridayan Basai Dhanu Jaisen ||

Tumha Sarikhe Santa Priya Moren | Dharaun Deha Nahin Ana Nihoren ||

|| Doha 48 ||

Saguna Upasaka Parahita Nirata Niti Dridha Nema, Te Nara Prana Samana Mama Jinha Ken Dvija Pada Prema |

|| Chaupai ||

Sunu Lankesa Sakala Guna Toren | Taten Tumha Atisaya Priya Moren ||

Rama Bachana Suni Banara Jutha | Sakala Kahahin Jaya Kripa Barutha ||

Sunata Bibhishanu Prabhu Kai Bani | Nahin Aghata Shravananrita Jani ||

Pada Ambuja Gahi Barahin Bara | Hridayan Samata Na Premu Apara ||

Sunahu Deva Sacharachara Swami | Pranatapala Ura Antarajami ||

Ura Kachhu Prathama Basana Rahi | Prabhu Pada Priti Sarita So Bahi ||

Aba Kripala Nija Bhagati Pavani | Dehu Sada Siva Mana Bhavani ||

Evamastu Kahi Prabhu Ranadhira | Maga Turata Sindhu Kara Nira ||

Dapi Sakha Tava Ichchha Nahin | Mora Darasu Amogha Jaga Mahin ||

Asa Kahi Rama Tilaka Tehi Sara | Sumana Brishti Nabha Bhai Apara ||

|| Doha 49 ||

Ravana Krodha Anala Nija Swasa Samira Prachanda, Jarata Bibhishanu Rakheu Dinheu Raju Akhanda ||(Ka) |

Jo Sampati Siva Ravanahi Dinhi Dien Dasa Matha, Soi Sampada Bibhishanahi Sakuchi Dinhi Raghunatha ||(Kha) ||

|| Chaupai ||

Asa Prabhu Chhadi Bhajahin Je Ana | Te Nara Pasu Binu Punchha Bishana ||

Nija Jana Jani Tahi Apanava | Prabhu Subhava Kapi Kula Mana Bhava ||

Puni Sarbagya Sarba Ura Basi | Sarbarupa Saba Rahita Udasi ||

Bole Bachana Niti Pratipalaka | Karana Manuja Danuja Kula Ghalaka ||

Sunu Kapisa Lankapati Bira | Kehi Bidhi Taria Jaladhi Gambhira ||

Sankula Makara Uraga Jasha Jati | Ati Agadha Dustara Saba Bhanti ||

Kaha Lankesa Sunahu Raghunayaka | Koti Sindhu Soshaka Tava Sayaka ||

Jadyapi Tadapi Niti Asi Gayi | Binaya Karia Sagara Sana Jayi ||

|| Doha 50 ||

Prabhu Tumhara Kulagura Jaladhi Kahihi Upaya Bichari, Binu Prayasa Sagara Tarihi Sakala Bhalu Kapi Dhari |

|| Chaupai ||

Sakha Kahi Tumha Niti Upai | Karia Daiva Jaun Hoi Sahai ||

Mantra Na Yaha Lachhimana Mana Bhava | Rama Bachana Suni Ati Dukha Pava ||

Natha Daiva Kara Kavana Bharosa | Soshia Sindhu Karia Mana Rosa ||

Kadara Mana Kahun Eka Adhara | Daiva Daiva Alasi Pukara ||

Sunata Bihasi Bole Raghubira | Aisehin Karaba Dharahu Mana Dhira ||

Asa Kahi Prabhu Anujahi Samujhai | Sindhu Samipa Gae Raghurai ||

Prathama Pranama Kinha Siru Nayi | Baithe Puni Tata Darbha Dasai ||

Jabahin Bibhishana Prabhu Pahin Aaye | Pachhem Ravana Duta Pathae ||

|| Doha 51 ||

Sakala Charita Tinha Dekhe Dharen Kapata Kapi Deha, Prabhu Guna Hridayan Sarahahin Saranagata Para Neha |

|| Chaupai ||

Pragata Bakhanahin Rama Subhau | Ati Saprema Ga Bisari Durau ||

Ripu Ke Duta Kapinha Taba Jane | Sakala Bandhi Kapisa Pahin Ane ||

Kaha Sugriva Sunahu Saba Banara | Anga Bhanga Kari Pathavahu Nisichara ||

Suni Sugriva Bachana Kapi Dhaye | Bandhi Kataka Chahu Pasa Phiraye ||

Bahu Prakara Marana Kapi Lage | Dina Pukarata Tadapi Na Tyage ||

Jo Hamara Hara Nasa Kana | Tehi Kosaladhisa Kai Ana ||

Suni Lachhimana Saba Nikata Bolaye | Daya Lagi Hansi Turata Chhodaye ||

Ravana Kara Dijahu Yaha Pati | Lachhimana Bachana Bachu Kulaghati ||

|| Doha 52 ||

Kahehu Mukhagara Mudha Sana Mama Sandesu Udara, Sita Dei Milahu Na Ta Ava Kalu Tumhara |

|| Chaupai ||

Turata Nai Lachhimana Pada Matha | Chale Duta Baranata Guna Gatha ||

Kahata Rama Jasu Lankan Aaye | Ravana Charana Sisa Tinha Naye ||

Bihasi Dasanana Punchhi Bata | Kahasi Na Suka Apani Kusalata ||

Puna Kahu Khabari Bibhishana Keri | Jahi Mrityu Aayi Ati Neri ||

Karata Raja Lanka Satha Tyagi | Hoihi Java Kara Kita Abhagi ||

Puni Kahu Bhalu Kisa Katakai | Kathina Kala Prerita Chali Aayi ||

Jinha Ke Jivana Kara Rakhavara | Bhayau Mridula Chita Sindhu Bichara ||

Kahu Tapasinha Kai Bata Bahori | Jinha Ke Hridayan Trasa Ati Mori ||

|| Doha 53 ||

Ki Bhai Bhenta Ki Phiri Gaye Shravana Sujasu Suni Mora, Kahasi Na Ripu Dala Teja Bala Bahuta Chakita Chita Tora |

|| Chaupai ||

Natha Kripa Kari Punchhehu Jaisen | Manahu Kaha Krodha Taji Taisen ||

Mila Jayi Jaba Anuja Tumhara | Jatahin Rama Tilaka Tehi Sara ||

Ravana Duta Hamahi Suni Kana | Kapinha Bandhi Dinhen Dukha Nana ||

Shravana Nasika Katain Lage | Rama Sapatha Dinhen Hama Tyage ||

Punchhihu Natha Rama Katakai | Badana Koti Sata Barani Na Jayi ||

Nana Barana Bhalu Kapi Dhari | Bikatanana Bisala Bhayakari ||

Jehin Pura Daheu Hateu Suta Tora | Sakala Kapinha Mahan Tehi Balu Thora ||

Amita Nama Bhata Kathina Karala | Amita Naga Bala Bipula Bisala ||

|| Doha 54 ||

Dvibida Mayanda Nila Nala Angada Gada Bikatasi, Dadhimukha Kehari Nisatha Satha Jamavanta Balarasi |

|| Chaupai ||

E Kapi Saba Sugriva Samana | Inha Sama Kotinha Ganai Ko Nana ||

Rama Kripan Atulita Bala Tinhahin | Trina Samana Trailokahi Ganahin ||

Asa Maim Suna Shravana Dasakandhara | Paduma Atharaha Juthapa Bandara ||

Natha Kataka Mahan So Kapi Nahin | Jo Na Tumhahi Jitai Rana Mahin ||

Parama Krodha Mijahin Saba Hatha | Ayasu Pai Na Dehin Raghunatha ||

Soshahin Sindhu Sahita Jasha Byala | Purahin Na Ta Bhari Kudhara Bisala ||

Mardi Garda Milavahin Dasasisa | Aisei Bachana Kahahin Saba Kisa ||

Garjahin Tarjahin Sahaja Asanka | Manahun Grasana Chahata Hahin Lanka ||

|| Doha 55 ||

Sahaja Sura Kapi Bhalu Saba Puni Sira Para Prabhu Rama, Ravana Kala Koti Kahun Jiti Sakahin Sangrama |

|| Chaupai ||

Rama Teja Bala Budhi Bipulai | Sesha Sahasa Sata Sakahin Na Gayi ||

Saka Sara Eka Soshi Sata Sagara | Tava Bhratahi Punchheu Naya Nagara ||

Tasu Bachana Suni Sagara Pahin | Magata Pantha Kripa Mana Mahin ||

Sunata Bachana Bihasa Dasasisa | Jaum Asi Mati Sahaya Krita Kisa ||

Sahaja Bhiru Kara Bachana Dridhai | Sagara Sana Thani Machalai ||

Mudha Nrisha Ka Karasi Badai | Ripu Bala Buddhi Thaha Main Payi ||

Sachiva Sabhita Bibhishana Jaken | Bijaya Bibhuti Kahan Jaga Taken ||

Suni Khala Bachana Duta Risa Badhai | Samaya Bichari Patrika Kadhi ||

Ramanuja Dinhin Yaha Pati | Natha Bachai Judavahu Chhati ||

Bihasi Bama Kara Linhin Ravana | Sachiva Boli Satha Laga Bachavana ||

|| Doha 56 ||

Batanha Manahi Rijai Satha Jani Ghalasi Kula Khisa, Rama Birodha Na Ubarasi Sarana Bishnu Aja Isa ||(Ka) |

Ki Taji Mana Anuja Iva Prabhu Pada Pankaja Bhringa, Hohi Ki Rama Saranala Khala Kula Sahita Patanga ||(Kha) ||

|| Chaupai ||

Sunata Sabhaya Mana Mukha Musukai | Kahata Dasanana Sabahi Sunayi ||

Bhumi Para Kara Gahata Akasa | Laghu Tapasa Kara Baga Bilasa ||

Kaha Suka Natha Satya Saba Bani | Samujahu Chhadi Prakriti Abhimani ||

Sunahu Bachana Mama Parihari Krodha | Natha Rama Sana Tajahu Birodha ||

Ati Komala Raghubira Subhau | Jadyapi Akhila Loka Kara Rau ||

Milata Kripa Tumha Para Prabhu Karihi | Ura Aparadha Na Ekau Dharihi ||

Janakasuta Raghunathahi Dije | Etana Kaha Mora Prabhu Kije ||

Jaba Tehin Kaha Dena Baidehi | Charana Prahara Kinha Satha Tehi ||

Nayi Charana Siru Chala So Tahan | Kripasindhu Raghunayaka Jahan ||

Kari Pranamu Nija Katha Sunayi | Rama Kripan Apani Gati Payi ||

Rishi Agasti Kin Sapa Bhavani | Rachhasa Bhayau Raha Muni Gyani ||

Bandi Rama Pada Barahin Bara | Muni Nija Ashrama Kahun Pagu Dhara ||

|| Doha 57 ||

Binaya Na Manata Jaladhi Jada Gae Tini Dina Biti, Bole Rama Sakopa Taba Bhaya Binu Hoi Na Priti |

|| Chaupai ||

Lachhimana Bana Sarasana Anu | Soshaun Baridhi Bisikha Krisanu ||

Satha Sana Binaya Kutila Sana Priti | Sahaja Kripana Sana Sundara Niti ||

Mamata Rata Sana Gyana Kahani | Ati Lobhi Sana Birati Bakhani ||

Krodhihi Sama Kamihi Harikatha | Usara Bija Baen Phala Jatha ||

Asa Kahi Raghupati Chapa Chadhava | Yaha Mata Lachhimana Ke Mana Bhava ||

Sandhaneu Prabhu Bisikha Karala | Uthi Udadhi Ura Antara Jwala ||

Makara Uraga Jasha Gana Akulane | Jarata Jantu Jalanidhi Jaba Jane ||

Kanaka Thara Bhari Mani Gana Nana | Bipra Rupa Ayau Taji Mana ||

|| Doha 58 ||

Katehin Pai Kadari Pharai Koti Jatana Kou Sincha, Binaya Na Mana Khagesa Sunu Datehin Pai Nava Nicha |

|| Chaupai ||

Sabhaya Sindhu Gahi Pada Prabhu Kere | Chhamahu Natha Saba Avaguna Mere ||

Gagana Samira Anala Jala Dharani | Inha Kai Natha Sahaja Jada Karani ||

Tava Prerita Mayan Upajae | Srishti Hetu Saba Granthani Gaye ||

Prabhu Ayasu Jehi Kahan Jasa Ahai | So Tehi Bhanti Rahem Sukha Lahai ||

Prabhu Bhala Kinha Mohi Sikha Dinhin | Marajada Puni Tumhari Kinhin ||

Dhola Gawanra Sudra Pasu Nari | Sakala Tadana Ke Adhikari ||

Prabhu Pratapa Main Jaba Sukhai | Utarihi Kataku Na Mori Badai ||

Prabhu Agya Apela Shruti Gayi | Karaun So Begi Jo Tumhahi Sohayi ||

|| Doha 59 ||

Sunata Binita Bachana Ati Kaha Kripala Musukayi, Jehi Bidhi Utarai Kapi Kataku Tata So Kahahu Upayi |

|| Chaupai ||

Natha Nila Nala Kapi Dvau Bhai | Larikain Rishi Asisha Payi ||

Tinha Ken Parasa Kien Giri Bhare | Tarihahin Jaladhi Pratapa Tumhare ||

Main Puni Ura Dhari Prabhu Prabhutai | Karihaun Bala Anumana Sahai ||

Ehi Bidhi Natha Payodhi Bandhaia | Jehin Yaha Sujasu Loka Tihun Gaia ||

Ehi Sara Mama Uttara Tata Basi | Hatahu Natha Khala Nara Agha Rasi ||

Suni Kripala Sagara Mana Pira | Turatahin Hari Rama Ranadhira ||

Dekhi Rama Bala Paurusha Bhari | Harashi Payonidhi Bhayau Sukhari ||

Sakala Charita Kahi Prabhuhi Sunava | Charana Bandi Pathodhi Sidhava ||

|| Chhanda ||

Nija Bhavana Gavaneu Sindhu Shriraghupatihi Yaha Mata Bhayau, Yaha Charita Kali Mala Hara Jathamati Dasa Tulasi Gayau |

Sukha Bhavana Sansaya Samana Davana Bishada Raghupati Guna Gana, Taji Sakala Asa Bharosa Gavahi Sunahi Santata Satha Mana ||

|| Doha 60 ||

Sakala Sumangala Dayaka Raghunayaka Guna Gana, Sadara Sunahin Te Tarahin Bhava Sindhu Bina Jalajana |